Situación
  |
Saíndo de Ourense,camiño de Madrid, atoparemos Congostro a uns 35 quilómetros.A nova autovía Vigo - Benavente facilita o desprazamento. O percorrido por estas terras é doado e a viaxe faise agradable e repousada, ofrecéndoselle ao viaxeiro a posibilidade de contemplar as terras de labor, os diferentes cultivos, as suaves ladeiras dos montes, as carballeiras, as veigas de Antela, minifundio...Mágoa que ao chegar ao concello de Rairiz de Veiga, as estradas sigan sendo do século pasado...Desde Congostro hai unha certa equidistancia a varias vilas, importantes todas elas por distintos motivos, como Bande, Xinzo de Limia, Celanova, Allariz e Verín. Nestas vilas, así como na capital, poderá o visitante atopar toda a infraestructura necesaria para pernoctar, comer, mercar... Tamén Portugal está aí mesmo. Cidades importantes como Braga, Viana do Castelo, ou Porto están “a tiro de pedra”. As praias de Vigo e o seu aeroporto, Cabeza de Manzaneda, Santiago de Compostela, as serras de O Courel e de Os Ancares, O Ribeiro, a Ribeira Sacra, os canóns do Sil, os viños Mencía, Ribeiro, Monterrei, Albariño...Todo queda á man desde Congostro.  |